嚟自有關食物嘅貶義詞 - 廣東話資料館

粵語〔廣東話〕主要使用喺廣東、香港、澳門、廣西、海南等地方。

... 但係，喺廣東話嘅世界入面就唔一樣嘞，廣東人用食物嚟比喻人嘅，一般都唔方係好 ... 2018年10月31日星期三 嚟自有關食物嘅貶義詞 嚟自有關食物嘅貶義詞 用食物嚟形容人，廣東話始終係高一班！ 美式英文，鍾意叫嗰啲法國浪子做［嗰條法國麵包］，而喺英文嘅世界入面，形容女人會叫佢哋做［蜜桃honeypeach］，而情人就會叫佢哋做［蜜糖honey］，［牛奶milk］、［葡萄vesicular］或者［朱古力Chocolate］。

啲西方人用食物嚟比喻人，總係比喻啲好嘅同靚嘅嘢。

但係，喺廣東話嘅世界入面就唔一樣嘞，廣東人用食物嚟比喻人嘅，一般都唔方係好嘢。

＊＊ 。

雞　　　　係指［妓女］，而召奴又稱做［叫雞］ 。

雞蟲　　　係指好色嘅男人，又叫［雞精］ 。

北菇雞　　係指北方嚟嘅［妓女］ 。

馬拉雞　　係比喻啲瘦到似條柴嘅女人 。

黄腳雞　　其實係指雞公，［捉黄腳雞］即係話畀人［捉姦在床］ 。

菠蘿雞　　係指解嗰專佔人便宜搵著數嘅無賴 。

執死雞　　係形容好幸運得到人哋放棄或失誤留低嘅嘢 。

鴨　　　　係指［男妓］，係［雞］嘅引申詞 。

賣鴨　　　係形容人講嘢乜都話得［duck］，重有一個叫［duck哥］添 。

竹織鴨　　係形容啲冇良心，冇心肝嘅人 。

掛臘鴨　　就係指嗰啲吊頸死嘅人 。

鹹鴨蛋　　係指死咗［完蛋］嘅人 。

賣鹹鴨蛋　意思係話死咗落下面做生意嘅人［死落去做生意］ 。

豬　　　　係形容肥同蠢嘅人，肥人叫肥豬，蠢人就叫... 。

豬扒　　　係啲口衰嘅男用嚟形容貌醜嘅女人，有時靚嘅都一樣咁叫 。

豬頭　　　係譏諷嗰啲又醜又蠢嘅人 。

豬兜　　　都係形容嗰啲又肥又蠢嘅人 。

豬公　　　係形容鹹濕嘅男人，多數叫佢哋做［鹹濕仔／鹹濕佬］　 。

豬乸　　　有人以為係形容啲女人好生養，其實係指好色嘅女人 。

豬腩肉　　係形容嗰啲肥人嘅肚腩肉 。

砌生猪肉　即係指以前啲差人做假證據屈人 。

排骨　　　形容瘦到得棚骨嘅人，重有個叫［排骨精］ 。

火腿　　　係形容人嘅大腿粗壯，出名嘅係叫［金華火腿］ 。

粉腸　　　唔係好嘢［量詞係：條］ 。

牛　　　　通常係指做事唔識變通嘅人［成隻牛咁］ 。

牛頸　　　係指人唔識變通，又唔聽人勸［死牛一面頸］ 。

吹牛　　　形容冇實力，只係得個講嘅人 。

劏死牛　　即係指有人打劫／搶劫 。

羊　　　　形容好易被呃嘅人；有個任人宰割嘅人叫［羊牯］ 。

掛羊頭　　有句嘢叫做［掛羊頭賣狗肉］； 　　　　　　係比喻用好嘅名義嚟做招牌，實際上名不副實或者做壞事 　 　 。

狗　　　　好諷刺嘅動物，佢嘅忠誠亦畀人利用嚟侮辱人嘅對象 。

狗肉　　　廣東俗語有一句：［狗肉滾兩滾，神仙都企唔穩］ 。

熠熟狗頭　喻指人笑得呲牙咧嘴 。

貓 。

食貓麵　　比喻啲人捱鬧，丟架、難堪 。

食死貓　　形容有人含冤受屈，無從申辯，被迫為人頂罪 。

蛇王　　　即係話人偷懶 。

龜 。

龜蛋　　　唔只好食，重可以用嚟鬧人 。

烏龜　　　多數用嚟指速度慢，受驚就縮入龜殼，似好冇出息咁 。

縮頭烏龜　形容細膽、冇擔當力嘅男人 。

龜公　　　係靠妓女維生嘅男人［王八］ 。

龜婆　　　指靠妓女維生嘅女人［鴇母］ 。

水魚　　　通常係指好容易畀人呃嘅人［量詞係：條］ 。

魚 。

魚腩　　　形容好易應付嘅人，又指打牌周時輸錢嘅人 。

鹹魚　　　形容嗰啲死咗嘅人，即係［死屍］ 。

死魚　　　死咗嘅魚；形容性伴對戰時冇反應 。

死魚眼　　形容雙眼無神情嘅人 。

失魂魚　　形容人驚慌魯莽，好易似受驚嚇親 。

擳魚蛋　　係指一啲唔正經嘅活動，重有［魚蛋檔，魚蛋妹，魚蛋師傅］ 。

大頭蝦　　形容嗰啲粗心大意，粗枝大葉嘅人 。

攋尿蝦　　取笑夜晚瀨尿喺床度嘅細路仔 。

大閘蟹　　係指投資股票，價位低被綁唔能夠出貨 。

老虎蟹　　比喻橫行霸道嘅大惡人 。

炒魷魚　　係指有人被解雇 。

鵪鶉　　　形容生性極度細膽嘅人；係指膽小怕事嘅人 。

鴕鳥　　　畀人形容為懦弱而唔敢面對現實，只求得心理上安全感嘅動物 。

了哥　　　有句歇後語叫［黄皮樹了哥，唔熟唔食］；專搵熟人笨實 。

劏白鶴　　形容飲醉酒醉到嘔嘅人 。

撳鷓鴣　　形容畀人搵笨［佢畀人撳鷓鴣］ 。

天鵝肉　　癩蛤蟆想食天鵝肉，比喻冇自知之明，一心想得到唔可能到手嘅嘢 。

蛋　　　　好多人都唔鍾意嘅，就係［完蛋］ 。

荷包蛋　　形容女人個胸細 。

一舊飯　　多數係指人［蠢／遲鈍］ 。

食軟飯　　專靠女人供養嘅男人 。

一鑊粥　　比喻做事結果一塌糊塗　 。

冇米粥　　比喻做埋啲冇結果嘅事，又叫［煲無米粥］ 。

電話粥　　意思係指人長時間講電話傾偈，又叫做［煲電話粥］ 。

裹蒸粽　　形容人著衫著到好臃腫 。

蒸鬆糕　　上面蒸鬆糕，係話人上半身著得好密實 。

食塞米　　即係話嗰啲成日遊手好閒，冇啲建樹嘅人 。

涼粉　　　下面賣涼粉，係話人下半身著得好少布 。

蛋散　　　係形容不學無術，冇料到，無用嘅人 。

煎堆　　　娶老婆［年晚煎堆］，但求人有我有 。

老油條　　而家係形容好滑頭嘅人，以前係指軟腍腍［無厘火氣］嘅人 。

生煎包　　係形容女人個胸細 。

發水麵包　形容人塊面肥或者腫 。

女人湯圓　特别討女人歡心嘅男人／專氹女人搵食嘅男人 。

冬瓜豆腐　代表出咗意外或者有不測嘅含義 。

老藕　　　係形容［老女人／老處女］ 。

煲老藕　　係形容男人愛上年紀比自己大嘅女人 。

抛生藕　　係指女人發姣放生電 。

豆泥　　　形容品質次等，水平低嘅嘢 。

豆豉眼　　係指啲人眼睛細細［豆豉咁眼］ 。

薯仔　　　形容人愚蠢，無知；或者外表感覺呆頭呆腦嘅人 。

大冬瓜　　係形容啲人又矮又肥 。

大番薯　　都係指人嘅身形又矮又肥 。

大頭菜　　形容寵壞咗嘅細路仔［生骨大頭菜］ 。

蘿蔔腿　　係形容啲人嘅小腿又肥又火粗 。

放葫蘆　　形容人吹牛皮［講大話］ 。

秀珍菇　　形容啲纖瘦嘅女人 。

炖冬菇　　係指有人被降職 　 。

金菇菜　　形容啲富家女［有錢女］ 。

梅菜　　　形容啲出身家窮嘅女人 。

菠菜　　　形容身材超勁嘅女人 。

雪菜　　　形容啲冷若冰霜嘅女人［cool］ 。

甕菜　　　形容啲傻更更嘅女人［憨菜］ 。

白菜　　　形容乜都唔識嘅女人 。

油麥菜　　形容濃妝艷抹嘅女人 。

豬乸菜　　形容肥胖嘅女人 。

玻璃生菜　形容好深近視嘅後生女人［四眼妹］ 。

十月芥菜　形容嗰啲開始春心動嘅少女 。

運桔　　　指嗰啲打斷或影響人正常工作嘅無聊行為，又叫［混吉］ 。

皇帝蕉　　形容啲手指又肥又短／又粗又短 。

刨西瓜　　形容哨牙嘅人食西瓜，而哨牙嘅人就叫［西瓜刨］ 。

西瓜皮　　話人唔夠專業［正一西瓜皮］，意思［都唔係果（嗰）皮］ 。

賣剩蔗　　形容年過三十嘅單身中女 。

籮底橙　　形容重未嫁得出嘅剩女 你睇我哋將自己同啲食物醜化到咩程度？食物其實係啲好嚟嘅，應該用嚟比喻啲好嘅事，比喻啲靚嘅嘢，比喻情人身上嘅特點同優點之類。

點解啲西人可以咁講，而廣東人就唔可以呢？會唔會係廣東人都覺得啲食物唔夠優雅呢？ 咁又係嘅，你總唔能夠去形容一個［廣東男人］，叫佢做「嗰條廣東臘腸」，都幾難聽，都重係［嗰條法國麵包］比較含蓄啲。

＊＊ 香港記憶［清潔效野1990］廣告 你與我永遠一心要郊野添潔淨 ［大家心意相通　齊齊投入清潔運動］ 心心一致　投入共推動 青蔥郊野　更清潔清爽 施展好本領　投人盡分力 即刻參與　更投入清潔郊區 一心一意 ＊＊ 廣東話資料館 於 凌晨4:27 以電子郵件傳送這篇文章BlogThis！分享至Twitter分享至Facebook分享到Pinterest 沒有留言: 張貼留言 較新的文章 較舊的文章 首頁 訂閱： 張貼留言(Atom) 搜尋此網誌 網誌存檔 ►  2021 (2) ►  七月 (1) ►  五月 (1) ►  2020 (18) ►  九月 (1) ►  八月 (1) ►  七月 (1) ►  四月 (4) ►  三月 (2) ►  二月 (9) ►  2019 (20) ►  十二月 (2) ►  十一月 (1) ►  十月 (1) ►  八月 (1) ►  七月 (8) ►  四月 (7) ▼  2018 (103) ►  十二月 (1) ►  十一月 (1) ▼  十月 (10) 嚟自有關食物嘅貶義詞 廣東話［常用語氣詞］拼音 公元2007年．貂蟬再遇呂布［無禮的篡改六］ 公元2007年．貂蟬再遇呂布［無禮的篡改五］ 公元2007年．貂蟬再遇呂布［無禮的篡改四］ 公元2007年．貂蟬再遇呂布［無禮的篡改三］ 粵語嘅［貶義借詞］ 公元2007年．貂蟬再遇呂布［無禮的篡改二］ 公元2007年．貂蟬再遇呂布［無禮的篡改一］ 歷史［三國］簡介事件簿 ►  九月 (1) ►  七月 (7) ►  六月 (13) ►  五月 (6) ►  四月 (10) ►  三月 (17) ►  二月 (17) ►  一月 (20) ►  2017 (31) ►  十二月 (2) ►  十一月 (6) ►  十月 (11) ►  九月 (12) 總網頁瀏覽量 粵語淵源jyut6jyu5jyun1jyun4 有語言學家將粵語歸類喺漢藏語系漢語族嘅聲調語言。

喺語言學界對粵語嘅分類有唔同嘅意見，主要有兩種唔同嘅觀點：一種以語言獨立性認為漢語族包含咗多個互相關聯嘅獨立語言，包含官話、贛語、閩語、粵語、客家語、吳語、湘語等七大語言；另一種就以政治取向認為漢語族只有漢語一種語言，將贛語、閩語、粵語、吳語、官話、晉語、湘語、客語等列為漢語嘅方言。

廣東話資料館CantoneseMuseum 粵語（Cantonese），又叫做〔廣東話〕、〔廣州話〕、〔廣府話〕、〔白話〕，係廣東（粵）加埋部份廣西、海南、香港、澳門等地方嘅一種話（語言），喺東南亞地區同埋一啲廣東（粵）人移民嘅地方都有人講。

廣東話資料館-發佈臺CantoneseMuseumII 粵語〔廣東話〕文化，有非常悠久嘅歷史，係傳統嘅廣東三大語言文化之一。

廣東嘅語方言主要由［廣府話］，［潮汕話］同［客家話］組成。

喺香港通行嘅係粵語廣州話，廣府人通常叫佢做白話，而香港人就多數稱呼佢做廣東話，喺外國嘅華人就叫佢做唐話，估計全球使用粵語來做母語嘅人口約有1.2億人。

潮州話資料館TeochewMuseum 潮州人或潮汕人，是廣東三大族群之一，又稱［潮州民系］或［潮汕民系］。

廣義上的潮州民系包括汕尾人；狹義上的潮州民係指潮州市、汕頭市、揭陽市與豐順縣以及周邊地區有潮州認同感的人。

潮州民系與古代約隋唐時期南下廣東的福建移民頗有淵源。

人生百味＠戲曲LoveLifeOpera 戲曲，在中國文學藝術園地之中佔有重要的地位。

戲曲既作為閱讀的文本存在，包括劇本的情節、結構、關目、宮調、曲牌、文辭、聲韻等方面；又有著複雜的藝術形式，包括唱、念、做、打以及舞臺佈景、音樂伴奏等，是一門綜合性的藝術。

桃花源粵劇工作舍UTOPIACANTONESEOPERAWORKSHOP ……林盡水源，便得一山。

山有小口，仿佛若有光。

便捨船，從口入。

初極狹，才通人。

復行數十步，豁然開朗。

……節錄自陶淵明《桃花源記》 粵劇《帝女花》六十五周年紀念系列FACEBOOK 2022香港盛事《帝女花》65周年，遇上世紀「後疫情」，戲裡戲外劫後啟航；桃花源粵劇工作舍（S88非牟利機構）2021-22一系列跨年項目，向粵劇鐵三角任白唐致敬；專業版演出、多個學生版比賽、跨界作品、黑盒劇場、當代粵劇粵曲影像節等……拉闊香港原創藝術。

廣東話資料館《通學》系列（亮光文化） 香港人有好多奇特嘅想法、言論同見解，佢哋鍾意聽嗰啲異於尋常嘅傳說；又喜歡聽一啲拍案驚奇嘅故事，呢啲古靈精怪、整蠱整怪嘅事鬧大之後，又經過口耳相傳、再加鹽加醋，無咩係唔可以成為香港嘅奇譚故事。

廣東話資料館CantoneseMuseumPatreon 粵語呢個名稱，係起源於秦朝人趙陀喺古代嶺南地域所建立嘅第一個國家〔南越國〕。

《漢書》寫做〔南粵國〕；簡稱〔南越〕或者〔南粵〕；古代嘅「粵」同「越」係互通字，有資料表示當時佢哋係以〔廣信〕來做嶺南地區嘅政治、經濟同文化嘅中心，係嶺南文化同粵語嘅最早發揚地。